Assalamualaikum ulun maucap salam
waalaikumsalam tolong dijawapakan
salam sejahtera gasan pian barataan
mudahan salamat ulun doakan
sabalum bamula ulun sampaiakan
ulun ini kada tapi pahapalan
makanya ulun naik mambawa catatan
supaya jangan salah kaiana ditawaakan
imbah itu ulun handak manganalakan
adalah Mu’ab ulun baisi ngaran
ulun ini urang asli Balangan
adapun gula habang itu jadi kabanggaan
amun bicara masalah kabangaan
alun bangga majadi mahasiswa unlam
khususnya bahasa indonesia ulun baisi jurusan
unlam ini universitas jempolan
universitas nomor satu di daerah kalimantan
wabil khususnya kalimantan selatan
salamat datang pertama disampaikan
kepada peserta seminar sekalian
baik bapa-bapa ibu-ibu barataan
kada tatinggal jua gasan nang bujangan
baik nang dimuka atawa dibalakang
baik nang taguring atawa nang bangangaan
seminar pendidikan bahasa
dan sastra indonesia se kalimantan selatan
tanggal 10 oktober 2009 acara diadakan
bapa Sainul Hermawan nang manjadi katua
atawa kawa disambat sabagai pimpinan
dibantu kakawanan panitia barataan
acara pun berlangsung samuga kadada halangan
desentralisasi kurikulum dan inovasi
pembelajaran bahasa dan sastra indonesia
itulah tema kegiatan kita
satiap kagiatan pasti ada tujuannya
kagiatan ini tujuannya ada tiga
awal bamula tujuan nang pertama
menghimpun pamikiran inovasi semua
tentang pembelajaran bahasa dan sastra indonesia
imbah nang partama kita nuju nang kadua
masih bapandir tantang tujuannya
iya itu babagi pangalaman
pambalajaran bahasadan satra indonesia
supaya efektif, menyenangkan lawan jua bamakna
imbah nang kadua utumatis nang katiga
kada lain kada bukan gasan pandidikan jua
maningkatkan kompetinsi guru itu pada umumnya
nang wabil khusus guru bahasa indonesia
adapun narasumber itu orang nomor satu
di dunia pandidikan
nang partama bapa Djoko Saryono sidin baisi ngaran
adapun Dr wan M.Pd sidin ampunya galaran
datang matan jauh tapatnya di malang
sidin datang kasini mambari materi gasan kita barataan
narasumber kadua pulang dikanalkan
bapa Zulkifli sidin baisi ngaran
Dr wan M.Pd jua sidin ampunya galaran
sidin saurang dusin nang maajar di Unlam
sabagai saurang guru kita mambari teladan
gasan murid murid kita barataan
jadi jangan salah dalam maambil tindakan
kaina murid kita bisa wangal barataan
ulun ambil cuntuh saurang dusin taladan
ibu Maria L.A.S sidin baisi ngaran
wayahini sidin jadi katua jurusan
salain jadi dusin sidin jua hakun mambari bimbingan
supaya mahasiswa kada tasalah jalan
ulun ni pina musti paparacau papadahan
padahal sarjana masih dalam parjalanan
jadi ampun maaf ulun kalalantihan
mudahan dimaafkan wan mudahan di doakan
manjadi orang sukses dibidang pandidikan
karena manurut ilmu itu pandidikan
harus dinomor satukan
sabab pandidikan itu jadi panduan
gasan kita manjalani kahidupan
biar banyak harta banyak kakayaan
amun urangnya kada bapandidikan
itu harta pacangan habis kada mangaruan
uy bapa-bapa ibu-ibu barataan
ulun dimuka asa karing dah rakungan
salain itu sudah habis isi catatan
ada labih baik ini madihin dicukupakan
tapi sabalum ini madihin dicukupkan
ulun ada baisi papantunan
mamarut nyiur pakai parudan
nyiur baparut dicampur pipakan
sabagai surang guru nang teladan
mari bersama kita majukan pandidikan
imbah itu ini pantun panutupan
mangkilap-kilap gigi nang basilap
silap tagugur silap amas kuningan
amun ulun tahilap ulun muhun maaf
amun pian tahibur muhun tapuk tangan